اعدل الابيات وانا ابو خزيم
مثل ما قال ابن مرداس شايع
من الكتاب · ١٩٣
سرحة جريس
سرح جريس ببعض السرحات. عاتبه عمّه، وتشالّبا، ثم اصطلحا. «خزيم ولد له ميت» شرح في الكتاب، ليس شطرًا. و«يم اليمن» جهة، ليست شطرًا.
شايع يقول بلابة شوشليه
وانا اقول بجريس خبيث الطبايع
ياجريس ما لك الله اصدق من شياهنا
حبيباتنا ياجريس لو هن ودايع
اخير عندي من نجري رفاقتي
كثيرين زلق الحكي والبطن جايع
قريبين بالعصبه حليين بالنبا
بعيدين بالعازات يوم النفايع
الله يلومك يالبناخي ملامه
ملامة عرضه وطوله شنايع
ناصل الى مصر على شمخ الذرى
وتثنى بدار مدرعين الوشايع
حطيت بعيني يالبناخي عبره
سريع جيبه للدموع السرايع
قلبي كما ياجريس غرب معلق
على عضود مطيخات الشرايع
ياما هوى الجمة على شمخ الذرى
وياما يشحنه عوج الارقاب رايع
من الورد واقفاة الصدير انهبنه
يما جدع من روس الارشات مايع
نقلتك بجود العزم يوم انت غيه
يوم ان مثلك هزل الايتام سايع
واليوم ما بالحق تجزان عبره
كوثني بحلبه للدموع السرايع
اخاف من خطو الموالي يجرنا
على مثل حسك الشوك والبصر ضايع