ياراكب حمرا من الفطر الفيح

عند اللحاوي له سمر جد او خال

تلفي لعدوان خيار الذوابيح

عوق البدون الى اعرضن كبر الاجمال

قصمت وجه الغيد ياخامد الريح

بعت القبالة كلها بس بريال

ياراكب حمرا تبوج الصحاصيح

قطاعة البيدا غرض كل مرسال

تنزيز جما لقعت خشمها الريح

او رندان شافت دعاشير الازوال

تلفي لراجي يشرخن بالتماديح

لكن ما سوى سواياك رجال

يابو كلام مثل قرط الصلافيح

اقضب مكانك لا تعذر بالاهزال

اجيك باللي مثل نظم المسابيح

دوم الى احضرت القلم جنك ارسالي

من غاوي مركاوه بين النحانيح

ما قيل بيت عن سنع حرفهن عال

من شالهن يثقل على الفطر الفيح

مع واحد يتني مقابل الاجيال

انا ذواي مرتنات الزرانيح

وصاع من المطحون حلاب الابلالي

اطلاك كب هم جضع وتنقيح

لما يجيك من اشهب النفر شلال

عند العذارا يسهجنك سواميح

طربيل ما قالن لك البيض خيال

ولا قيل يرعى بيذراك الشراشيح

يا حل بين البدو راحل ونزال

لا عاد صفار تذب الشلاويح

ولا رامي فرق الظبا عقب مجفال

زحزيح ياويا من الربيع زحزيح

ذيب الصحن بالعيد يا قل الاكال

جنبت ملكك كنهن حاجر الشيح

والا العرايد يبسن عقب الامحال

ولذنا على الشيخات مثل التفافيح

صفر عراجدهن عن الليف ميال

حوش لفضلي والعيال المفاليح

حاشه من الجال الشمالي ليا الجال

مع وسط ربع بالملاقى ذوابيح

يا جيتهم من نية الخير تهتال

وحواس ينكر لي ركابه مشاويح

نبي نخمه بالمخالب على الفال

ابو عيون مثل لون الذنابيح

شري على اللي مثل لونه ليا عال

الشايب اللي مثل جرد المفاتيح

لا هو اشقخ خده ولا يقني الحال

حنا عراض نحسبه بالتصافيح

واليوم ما حالك لابو قاعد حال